Tsab Ntawv Faj Seeb Thaum Sau Ua Ke Thiab California Consumer Privacy Act Policy

Hloov Kho Tshiab 3/25/2026

Lub Southern California Gas Company saib muaj nqis txoj kev ntiag tug thiab kev ruaj ntseg ntawm cov ntaub ntawv txog koj li ntiag tug. Tsab Ntawv Faj Seeb thaum Sau Ua ke thiab California Consumer Privacy Act Policy (Txoj Cai Ceev Neeg Nqua Ntiag Tug) no piav qhia txog peb txoj kev sau ua ke, siv thiab qhia tawm cov ntaub ntawv txog tib neeg uas txuam nrog cov pej xeem hauv California raws li California Consumer Privacy Act (California Txoj Cai Ceev Neeg Qhua Ntiag Tug) hauv 2018, raws li hloov tshiab los ntawm California Consumer Privacy Rights Act (California Txoj Cai Ceev Neeg Qhua Ntiag Tug) hauv 2020 thiab cov kev tswj tsim muaj raws (“CCPA”).

Cov Ntaub Ntawv Txog Tib Neeg Yog Dab Tsi?

CCPA piav qhia “Cov Ntaub Ntawv Txog Tib Neeg Ntiag Tug” tam li yog cov ncauj lus uas qhia tau tib neeg, txuam rau, piav qhia txog, uas yeej tsim nyog txuam nrog, los sis txuas mus rau tsim nyog, ncaj qha los sis tsis ncaj qha rau California ib tug pej xeem los sis ib yim neeg. Tiam sis CCPA tsis muaj feem xyuam txog qee cov ncauj lus, xws li cov ncauj lus raws li txoj cai Gramm-Leach-Bliley Act los sis Health Insurance Portability and Accountability Act (Txoj Cai Tswj Kev Pov Hwm Them Nqi Kho Mob thiab Kev Ris Luag Num).

Cov Qeb ntawm Cov Ntaub Ntawv Ntiag Tug Uas Peb Suav Sau

Peb suav sau Cov Ntaub Ntawv Ntiag Tug rau ntawm cov qeb qab no txog cov neeg nyob hauv California thiab peb tuaj yeem qhia txhua qeb no rau peb cov neeg muab kev pab cuam, cov neeg muaj ntawv cog lus, thiab lwm tus neeg sab nraud uas tsis tau txais kev tso cai siv koj cov ntaub ntawv ntiag tug tsuas yog qhov tsim nyog rau kev ua cov kev pab cuam tam rau peb nkaus xwb.

1.    Cov qhia tau tib neeg, xws li lub npe, cov kev sib cuag thiab tus ID nom tswv muab cim,
2.    Cov ntaub ntawv qhia txog cov qhua, xws li cov ntaub ntawv qhia txog fab nyiaj txiag,
3.    Cov hom tiv thaiv raws li California los sis tsoom fwv teb chaws txoj cai, xws li qib kev tsis taus los sis lwm yam tsuam nrog,
4.    Cov ntaub ntawv fab kev lag luam, xws li kev lag luam, as khauj nyiaj txiag, kev siv hluav taws xob thiab cov ntaub ntawv qhia txog cov nyiaj tau los,
5.    Kev siv xaim internet los sis huab cua, xws li keeb kwm txheeb nrhiav thiab kev sib cuag hauv peb qhov vas sab,
6.    Ntaub ntawv txog chaw, xws li qhov chaw rau khoom,
7.    Ncauj lus txog suab, khoom tshuab, duab saib los sis tej yam zoo li ntawd, xws li cov suab thiab duab uas tau muab kaw cia,
8.    Ncauj lus txog kev tshaj lij los sis kev ua hauj lwm, xws li keeb kwm kev ua hauj lwm thiab lub chaw hauj lwm dhau los,
9.    Ncauj lus txog kev kawm ntawv, xws li lub tsev kawm ntawv thiab hnub kawm ntawv tiav, cov ntawv ua thov nyiaj pab them nqi kawm ntawv qib siab rau neeg kawm ntawv, thiab 
10.    Cov kev xaus lus uas tau los ntawm cov ntaub ntawv teev saum toj no los tsim ib daim ntawv qhia txog koj, koj cov kev nyiam thiab cov yam ntxwv.

Cov Chaw Tau Cov Ntaub Ntawv Ntiag Tug Los

Peb suav sau cov ntaub ntawv ntiag tug los ntawm cov chaw hauv qab no: tau ncaj qha los ntawm koj; los ntawm cov chaw khaws ntaub ntawv rau pej xeem; cov nev vawj kev tshaj tawm thiab cov tuam txhab lag luam; cov chaw txheeb xyuas ntaub ntawv; cov koom haum hauv tsoom fwv; cov khoom siv hluav taws xob; cov tes hauj lwm rau zej tsoom; cov neeg muag khoom thiab cov chaw muab kev pab cuam; cov chaw koom tes thiab cov koom haum me; cov neeg koom tes ua lag luam; cov kws pab tswv yim thiab cov neeg ua hauj lwm. 

Cov Hom Phiaj ntawm Kev Suav Sau, Kev Siv, thiab Kev Tshaj Tawm
Feem ntau lawm, peb suav sau thiab ua lwm yam txheej txheem sau cov ntaub ntawv ntiag tug rau cov hom phiaj ua lag luam los sis fab kev lag luam hauv qab no, thiab kuj tseem ua raws li koj tau hais los sis pom zoo rau lwm yam thiab:

1. kev khiav, tswj thiab ceev peb lub lag luam;
2. kev muab thiab txhim kho peb cov khoom thiab cov kev pab;
3. kev sib txuas lus nrog koj thiab tswj koj qhov as khauj nrog rau kev sau nuj n qis thiab cov kev pab txog nyiaj txiag;
4. kev ntsuas koj txoj kev tsim nyog tau kev pab rau thiab kev koo mnrog qee cov kev pab cuam;
5. rau peb cov laj thawj kev ua hauj lwm thiab kev ceem lag luam ntiav;
6. kev ua kom haum, kev tshaj tawm, kev tsim ua, txhim kho thiab tshaj qhia txog peb cov khoom thiab cov kev pab;
7. kev ua zoo, kev nyab xeeb, kev tshawb fawb thiab kev ntsuas tej ntaub ntawv;
8. kev txheeb nrhiav thiab tiv thaiv txoj kev tub sab tub nyiaj thiab cov xwm txheej kev ruaj ntseg;
9. kev ceev peb cov tsev, cov tshuab thiab lub chaw;
10. kev lis tej kev siv nyiaj txiag, kev ntsuas nyiaj txiag thiab lwm cov luag num sab hauv;
11. kev ceev cov ntaub ntawv lag luam;
12. lis cov kev tshawb fawb thiab coj raws cov luag num raug cai lij choj;
13. kev ua raws thiag tiv thaiv cov nuj nqis raug foob thiab tiv thaiv koj, peb thiab lwm cov neeg;
14. rau cov kev siv uas peb faj seeb qhia rau koj los sis tau koj txoj kev tso cai; thiab
15. rau kev siv raug cai raws li tsim nyog.

Peb Khaws Cia Koj Cov Ntaub Ntawv Txog Tib Neeg Ntiag Tug Ntev Npaum Cas

Peb khaws cia cov Ntaub Ntawv Txog Tib Neeg Ntiag Tug mus ntev npaum li tsim nyog los sis kheev raws li qhov laj thawj uas peb muab nws los siv. Tsis tas li ntawd, peb kuj tseem khaws cov ntaub ntawv ntiag tug raws li qhov tsim nyog los ua raws li peb cov luag hauj lwm them se, kev suav nyiaj thiab kev khaws cov ntaub ntawv, los muab cov kev pab cuam uas koj tau thov rau koj, nrog rau lub sij hawm ntxiv raws li qhov tsim nyog los tiv thaiv, pov thaiv los sis tsim peb cov cai los sis cov cai ntawm lwm tus neeg, pov thaiv cov lus thov uas muaj peev xwm ua tau, thiab ua raws li peb cov luag hauj lwm raws li txoj cai. Peb yuav muab cov ntsiab lus qhia tau tib neeg tshem tawm kom txhob paub tau neeg raws li CCPA, yam tsis tua tawm koj cov Ntaub Ntawv Txog Tib Neeg Ntiag Tug. Thaum twg peb ua li no lawm, peb yuav tsis rov kho kom paub tau tib neeg ntxiv.

Kev Muag thiab Kev Sib Qhia Cov Ntaub Ntawv Ntiag Tug

CCPA txhais lo lus "kev muag" tias yog kev tshaj tawm los sis muab cov ntaub ntawv ntiag tug rau ib tus neeg sab nraud los pauv rau nyiaj txiag los sis lwm yam txiaj ntsig muaj nqis, thiab "kev sib qhia" suav nrog kev tshaj tawm los sis muab cov ntaub ntawv ntiag tug rau ib tus neeg sab nraud rau lub hom phiaj kev tshaj tawm raws tus cwj pwm tsis ua raws-txheej txheem. Txawm hais tias peb tsis nthuav tawm cov ntaub ntawv ntiag tug rau cov neeg sab nraud kom tau nyiaj ua kev sib pauv los xij, peb yuav raug xam hais tias yog "muag" los sis "qhia" cov ntaub ntawv ntiag tug raws li CCPA vim peb siv cov cookies txheeb xyuas sab nraud. Yog tias qhov kev ua ub no raug suav hais tias yog "kev muag" los sis "kev sib qhia," peb "muag" los sis "sib qhia" cov qeb ntaub ntawv ntiag tug hauv qab no: cov cim qhia thiab Is Taws Nem los sis lwm cov ntaub ntawv kev ua hauj lwm hauv pab pawg koom tes. Peb nthuav tawm cov qeb ntaub ntawv no rau cov neeg muab kev pab cuam tshuaj xyuas sab nraud rau lub hom phiaj kev lag luam thiab kev tshaj tawm thiab kom nkag siab zoo dua txog dej num ntawm peb lub vev xaib. Peb tsis muag los sis qhia cov ntaub ntawv ntiag tug txog cov tib neeg uas peb paub tias muaj hnub nyoog qis dua 16 xyoo.

Pej Xeem California Cov Cai

CCPA muab cov cai tshwj xeeb rau cov neeg nyob hauv California hais txog cov ntaub ntawv ntiag tug. Nyob rau qee cov xwm txheej thiab cov kev zam, cov neeg nyob hauv California muaj cov cai raws li hauv qab no txog lawv cov ntaub ntawv ntiag tug:

Txoj Cai los Them Tawm: Koj muaj cai thov kom peb tshem tawm koj cov ntaub ntawv ntiag tug.

Txoj Cai Paub (Kev Nkag Mus Cuag Tau Thiab Kev Nqa Mus Los Tau): 
(Txog li ob zaug txhua 12 lub hlis) Koj muaj cai los thov: 

(i)    cov qeb los sis cov ntaub ntawv ntiag tug uas peb tau suav sau hais txog koj; 
(ii)    cov qeb ntawm cov chaw uas suav sau cov ntaub ntawv ntiag tug; 
(iii)    peb lub hom phiaj ua lag luam los sis kev lag luam rau kev suav sau, kev muag, los sis kev sib qhia cov ntaub ntawv ntiag tug; cov pawg neeg sab nraud uas peb tau muab nthuav qhia cov ntaub ntawv ntiag tug; thiab 
(iv)    ib daim ntawv theej ntawm cov ntaub ntawv ntiag tug tshwj xeeb uas peb tau suav sau hais txog koj. Rau cov laj thawj kev ruaj ntseg thiab kom ua raws CCPA, qee cov hom Ntaub Ntawv Txog Tib Neeg Ntiag Tug, xws li cov zauv ruaj ntseg social security, cov zauv ntawv tso cai tsav tsheb, thiab cov zauv as khauj txhab cia nyiaj, yuav muab tsis tau, tiam sis peb yuav faj seeb qhia rau koj paub yog tias peb sau ua ke tau lawv hauv lub caij nyoog 12 lub hlis.

Txoj Cai Xaiv Tsis Muag thiab Sis Sib Qhia: Koj muaj cai xaiv tsis "muag" thiab "sib qhia" koj cov ntaub ntawv ntiag tug, raws li cov lus no tau txhais nyob rau hauv raws li CCPA.

Txoj Cai Kho Kom Raug: koj muaj cai thov kom peb kho qhov tsis raug ntawm koj Cov Ntaub Ntawv Ntiag Tug.

Txoj Cai Txwv Kev Siv thiab Kev Qhia Tawm: Koj muaj cai txwv tsis pub siv thiab tshaj tawm koj "Cov Ntaub Ntawv Ntiag Tug Uas Yuav Tau Ua Tib Zoo Saib," raws li tau txhais hauv CCPA. Txawm li cas los xij, peb tsis suav sau, siv, los sis tshaj tawm "cov ntaub ntawv ntiag tug uas yuav tsum tau ua tib zoo saib" dhau ntawm lub hom phiaj uas CCPA tau tso cai rau, yog li ntawd thiaj tsis tuaj yeem siv tau txoj cai no.

Txoj Cai Tsis Pub Ua Pauj. Cov neeg nyob hauv California muaj cai tsis raug kev ua pauj twg rau kev siv thiab cov cai uas tau piav qhia saum toj no.

Kev Xa Cov Lus Thov: 

Txoj Cai los Paub, Tshem Tawm, thiab Kho Kom Raug. Cov kev thov kom siv txoj cai kev tshem tawm, kho kom raug, thiab/los sis txoj cai paub tuaj yeem xa tuaj rau ntawm https://socalgas.com/privacy los sis los ntawm kev tiv tauj rau peb ntawm 
1-800-427-2200 (tus xov tooj hu dawb). Peb yuav teb rau cov kev thov uas txheeb meej tau uas txais tau los ntawm California cov neeg qhua los sis lawv cov neeg sawv cev raug cai raws li txoj cai txwv uas yog muab cov ntaub ntawv sib piv nrog cov ntaub ntawv peb muaj txog koj los sis thov kom koj txuas mus rau hauv koj qhov as khauj. Yog tias peb tsis muaj peev xwm txheeb tau ib qho kev thov, peb yuav faj seeb qhia rau tus neeg thov. Yog tias peb tsis tuaj yeem txheeb xyuas koj tus kheej tom qab peb sim ua qhov zoo tshaj plaws lawm, peb yuav tsis lees txais qhov kev thov thiab, yog tias yog li ntawd, peb yuav piav qhia txog qhov laj thawj rau qhov kev tsis lees txais.

Cov neeg sawv cev raug cai yuav tsum tau muab pov thawj txog lawv txoj kev muaj cai thiab peb yuav puav leej thov kom tus neeg qhua txheeb qhia lawv tus kheej thiab txoj kev tso cai rau tus neeg sawv cev raug cai.

Txoj Cai Xaiv Tsis Muag/Sib Qhia: Txhawm rau kom los siv koj txoj cai xaiv tsis "muag" los sis "sib qhia" koj Cov Ntaub Ntawv TNtiag Tug, koj tuaj yeem tswj koj cov cookies thiab cov thev naus laus zis zoo sib xws los ntawm koj lub chaw tshawb nriav mes nus "Settings". Qhov mes nus Settings tuaj yeem nrhiav tau los ntawm kev xaiv qhov mes nus peb-lub cim ( ⋮ ), los sis qhov mes nus peb lub cim-dash, los sis lwm lub cim nyob rau hauv kaum sab xis saum toj los sis lwm qhov chaw ntawm koj lub chaw tshawb nrhiav. Txhawm rau kom nkag mus rau koj qhov chaw teeb cov cookie mus rau ntu "Kev Ceev Ntiag Tug thiab Kev Ruaj Ntseg" / "Kev Ceev Ntiag Tug" thiab ua raws li cov lus qhia uas tau muab. Cov kauj ruam yuav txawv raws lub tshawb nrhiav thiab lub cuab yeej. Yog koj thaiv los sis tshem tawm cov cookies, qee yam ntawm lub vev xaib yuav tsis ua hauj lwm raws li koj xav tau, thiab koj cov kev nyiam (xws li kev xaiv cookie) yuav ploj mus thaum cov cookies raug tshem tawm. Cov kev xaiv uas koj ua hauv lub chaw tshawb nrhiav los sis ntawm ib lub cuab yeej tsuas yog siv rau lub chaw tshawb nrhiav los sis lub cuab yeej ntawd nkaus xwb.

Nruab nrab los sis nruab nrab pes tsawg hnub uas peb siv los teb rau Cov Kev Thov paub txog, tua tawm los sis txwv txiav:

Thov nco ntsoov tias, raws li cov kev cai ntawm CCPA, thov kom txwv tsis pub siv thiab tshaj tawm Cov Ntaub Ntawv Ntiag Tug Uas Yuav Tau Ua Tib Zoo Saib vim Southern California Gas Company tsis siv/qhia tawm Cov Ntaub Ntawv Ntiag Tug Uas Yuav Tau Ua Tib Zoo Saib yog ib txoj kev uas tsis tau txais kev tso cai raws li CCPA.

Thov xyuas peb qhov vas sab txog Txoj Cai Ceev Ntiag Tug ntawm https://socalgas.com/privacy-policy. Xa sib cuag nrog peb, nias https://socalgas.com/privacy los sis hu rau peb ntawm 1-800-427-2200.