សេចក្តីជូនដំណឹងភាពឯកជន (Khmer)

SoCalGas ប្តេជ្ញាការពារសិទ្ធិឯកជនភាពអំពីព័ត៌មានប្រើប្រាស់ថាមពលរបស់លោកអ្នក

ក្រុមហ៊ុនហ្គាសនៅរដ្ឋកាលីហ្វ័រញ៉ាភាគខាងត្បូង (Southern California Gas Company (SoCalGas) ប្តេជ្ញាការពារព័ត៌មានអំពីការប្រើប្រាស់ថាមពលរបស់លោកអ្នក ហើយធានាឲ្យបាននូវការការពារព័ត៌មានដែលមានយ៉ាងត្រឹមត្រូវនៅអំឡុងពេលប្រមូល រក្សាទុក ប្រើប្រាស់ និងរាយការណ៍ពីព័ត៌មាននោះ។

SoCalGas កំណត់និយមន័យការប្រើប្រាស់ថាមពលជា៖ ព័ត៌មានលម្អិតអំពីការប្រើប្រាស់ហ្គាស ដែលទទួលបានតាមរយៈសម្ភារឧបករណ៍វាស់ដ៏ទំនើបរបស់យើងខ្ញុំ ដែលមានសមត្ថភាពប្រមូលព័ត៌មានអំពីការប្រើប្រាស់រាល់ថ្ងៃ ឬ
រាល់ម៉ោងព្រមទាំងព័ត៌មានណាមួយដែលអាចងាយស្រួលកំណត់អត្តសញ្ញាណបុគ្គល ទីកន្លែង ឬក្រុមហ៊ុនអាជីវកម្ម។ ឧទាហរណ៍ព័ត៌មានលម្អិតអំពីការប្រើប្រាស់ហ្គាសដោយមានឈ្មោះ និងលេខគណនីប្រើប្រាស់របស់លោកអ្នក។

ដើម្បីការពារ និងធានាសិទ្ធិឯកជនភាពរបស់អតិថិជន CPUC បានចេញបទបញ្ញត្តិស្តីពីសិទ្ធិឯកជនភាព និងការការពារសុវត្ថិភាពទិន្នន័យប្រើប្រាស់ថាមពល។ បទបញ្ញត្តិទាំងនេះ ដែលមានចែងនៅក្នុងបទបញ្ញត្តិ SoCalGas' Tariff Rule No. 42 ហាមប្រាម SoCalGas និងក្រុមហ៊ុនផ្តល់សេវាសាធារណៈផ្សេងទៀតនៅរដ្ឋកាលីហ្វ័រញ៉ាមិនឲ្យផ្សព្វផ្សាយព័ត៌មានអំពីការប្រើប្រាស់ថាមពលដោយគ្មានការយល់ព្រមជាលាយលក្ខណ៍អក្សរពីអតិថិជន លើកលែងតែក្នុងករណីមួយចំនួន។

ហេតុអ្វីក្រុមហ៊ុន SoCalGas ប្រមូលព័ត៌មានអំពីការប្រើប្រាស់ថាមពល

ការចេញវិក្កយបត្រ៖ ដើម្បីចេញវិក្កយបត្រជូនលោកអ្នក យើងខ្ញុំត្រូវតែដឹងថា តើលោកអ្នកបានប្រើប្រាស់ហ្គាសអស់ប៉ុន្មាន នៅអំឡុងពេលចេញវិក្កយបត្រនេះ។
តម្រូវការរៀបចំប្រព័ន្ធ និងដំណើរការ៖ យើងខ្ញុំប្រើប្រាស់ព័ត៌មានអំពីការប្រើប្រាស់ថាមពល ដើម្បីដំណើរការ និងអភិវឌ្ឍប្រព័ន្ធបញ្ជូន និងចែកចាយហ្គាសរបស់យើងខ្ញុំនាពេលអនាគត។
ប្រសិទ្ធភាពថាមពល៖ ដើម្បីរៀបចំផែនការ អនុវត្ត ឬវាយតម្លៃលើកម្មវិធីប្រសិទ្ធភាពថាមពលរបស់ក្រុមហ៊ុន SoCalGas។
ព័ត៌មានអំពីអតិថិជន៖ ដើម្បីអនុញ្ញាតឱ្យអតិថិជនពិនិត្យមើល និងគ្រប់គ្រងព័ត៌មានអំពីការប្រើប្រាស់ថាមពលផ្ទាល់ខ្លួនរបស់ពួកគេ ហើយយល់កាន់តែច្បាស់ពីតម្រូវការថាមពលរបស់ពួកគេ។

SoCalGas រក្សាទុកព័ត៌មានអំពីការប្រើប្រាស់ថាមពលរបស់លោកអ្នកតែក្នុងករណីចាំបាច់

SoCalGas នឹងរក្សាព័ត៌មាននៃការប្រើប្រាស់ថាមពលរបស់លោកអ្នកតែក្នុងករណីចាំបាច់ដើម្បីបម្រើសេវាជូនលោកអ្នក និងដោះស្រាយបញ្ហាផ្សេងៗ ដូចជាជម្លោះអំពីរឿងវិក្កយបត្រ ការសាកសួរព័ត៌មាន និងការរៀបចំប្រព័ន្ធ។ រយៈពេលនៃការរក្សាទុកព័ត៌មានប្រែប្រួលដោយផ្អែកលើស្ថានភាពជាក់ស្តែង និងតម្រូវការរបស់ក្រុមហ៊ុនអាជីវកម្ម ប៉ុន្តែជាទូទៅមានរយៈពេលពីប្រាំបីទៅដប់ឆ្នាំ។

នៅពេលណាក្រុមហ៊ុន SoCalGas ចែករំលែកព័ត៌មានអំពីការប្រើប្រាស់ថាមពល

ការចែករំលែកព័ត៌មានជាមួយភាគីទីបី៖ យើងខ្ញុំអាចចែករំលែកព័ត៌មានអំពីការប្រើប្រាស់ថាមពលជាមួយក្រុមហ៊ុនផ្សេងទៀតជាច្រើន ដើម្បីបម្រើសេវាជូនលោកអ្នក។ ក្រុមហ៊ុនទាំងនេះ រួមមានប៉ុន្តែមិនកំណត់ចំពោះអ្នកផ្តល់សេវាកម្មបច្ចេកវិទ្យា អង្គភាពផ្តល់ប្រឹក្សាយោបល់ ក្រុមហ៊ុនវិស្វកម្ម និងអ្នកផ្តល់សេវាប្រសិទ្ធភាពថាមពល ដែលកំពុងតែធ្វើការងារជាមួយយើងខ្ញុំ ដើម្បីសម្រេចនូវគោលបំណងចម្បងដូចដែលបានរៀបរាប់ខាងលើ។


ម្តងម្កាល យើងខ្ញុំអាចសុំការអនុញ្ញាតពីលោកអ្នក ដើម្បីចែករំលែកព័ត៌មានអំពីការប្រើប្រាស់ថាមពលជាមួយក្រុមហ៊ុនផ្សេងទៀត ដែលមិនពាក់ព័ន្ធនឹងគោលបំណងទាំងនេះ។ ក្រុមហ៊ុនទាំងនេះតម្រូវឱ្យការពារព័ត៌មានរបស់លោកអ្នក ដោយអនុវត្តតាមគោលនយោបាយ និងច្បាប់ទម្លាប់នានាឲ្យកាន់តែខ្ជាប់ខ្ជួនជាងការអនុវត្តតាមគោលនយោបាយរបស់ក្រុមហ៊ុន SoCalGas។

ការចែករំលែកព័ត៌មានតាមជម្រើសរបស់លោកអ្នក៖ លោកអ្នកអាចកំណត់ជ្រើសរើសក្រុមហ៊ុនផ្សេងៗទៀត ដើម្បីទទួលព័ត៌មានរបស់លោកអ្នក។ នៅពេលដែលអនុវត្តដូច្នេះ លោកអ្នកគួរតែយកចិត្ដទុកដាក់ ហើយជ្រើសរើសតែភាគីទីបីដែលអាចជឿជាក់បាន។

ការចែករំលែកព័ត៌មានសម្រាប់គោលបំណងផ្សេងទៀត៖ លើសពីនេះ យើងខ្ញុំអាចផ្សព្វផ្សាយព័ត៌មានអំពីការប្រើប្រាស់ថាមពល៖ 1) ដោយយោងតាមនីតិវិធីផ្លូវច្បាប់ (ដូចជាដីកា ឬ ដីកាកោះហៅ), 2) ដើម្បីឆ្លើយតបជាបន្ទាន់ក្នុងករណីគំរាមកំហែងដល់អាយុជីវិត ឬទ្រព្យសម្បត្តិដែលជិតកើតមានឡើង, 3) ដូចដែលបានចេញបញ្ជាដោយ CPUC, ឬ 4) ដូចដែលមានចែងផ្សេងទៀតក្នុងច្បាប់។

របៀបពិនិត្យមើលព័ត៌មានអំពីការប្រើប្រាស់ថាមពលរបស់លោកអ្នកតាមអនឡាញ

អតិថិជនតាមគេហដ្ឋាន និងតាមស្ថាប័នពាណិជ្ជកម្ម/ឧស្សាហកម្ម ដែលមានដំឡើងកុងទ័រទំនើប អាចពិនិត្យមើលទិន្នន័យអំពីការប្រើថាមពលរបស់ខ្លួនតាមរយៈគណនីMy Account៖ www.socalgas.com/my-account/។ អតិថិជនភាគច្រើនអាចពិនិត្យមើលទិន្នន័យអំពីការប្រើប្រាស់ថាមពលរបស់ខ្លួនតាមរយៈ SoCalGas Envoy®នៅគេហទំព័រ៖www.socalgasenvoy.com

របៀបពិនិត្យមើលសេចក្តីជូនដំណឹងអំពីសិទ្ធិឯកជនភាពតាមអនឡាញ

យើងខ្ញុំនឹងធ្វើបច្ចុប្បន្នភាពអំពីសេចក្តីជូនដំណឹងក្នុងករណីចាំបាច់ ហើយនឹងជូនដំណឹងដល់អតិថិជនអំពីបច្ចុប្បន្នភាពនេះ ដោយបង្ហោះសេចក្តីជូនដំណឹងនេះដែលបានពិនិត្យមើលឡើងវិញនៅលើគេហទំព័រយើងខ្ញុំ។ យើងខ្ញុំនឹងជូនដំណឹងលោកអ្នកជារៀងរាល់ឆ្នាំផងដែរឲ្យចូលមើលសេចក្តីជូនដំណឹងនេះ ដែលបានធ្វើបច្ចុប្បន្នភាពចុងក្រោយបំផុត។

បើលោកអ្នកចង់ទទួលបានសេចក្តីជូនដំណឹងក្នុងកំណែចាស់ ឬថ្មីមានចម្ងល់ ឬក្តីបារម្ភណាមួយអំពីសេចក្តីជូនដំណឹងនេះ ឬលោកអ្នកចង់ស្វែងយល់ពីវិធីកំណត់ពិនិត្យមើល ឬតវ៉ាពីព័ត៌មានរបស់លោកអ្នកដែលបានចេញផ្សាយរួចហើយ លោកអ្នកអាចទាក់ទងមកយើងខ្ញុំតាម៖

អ៊ីម៉ែល៖ webmaster@socalgas.com

Attn: Customer Privacy Program Manager
Southern California Gas Company
P O Box 3150
San Dimas, CA 91773


អ្នកតំណាងសេវាកម្មអតិថិជន
អតិថិជនតាមគេហដ្ឋាន៖ 800-427-2200
អតិថិជនជាក្រុមហ៊ុន៖ 800-427-2000

សូមចូលមើល Website Privacy Policy របស់យើងផងដែរទាក់ទងនឹងសិទ្ធិឯកជនភាពស្តីពីព័ត៌មានដែលបានប្រមូលនៅលើគេហទំព័រយើងខ្ញុំ។

 

មានប្រសិទ្ធិភាព 2014