លក្ខខណ្ឌ (Khmer)

សិទ្ធិចម្លង និងនិក្ខិតសញ្ញា

សិទ្ធិចម្លងគ្រប់មាតិកា © 2000-2018 ដោយក្រុមហ៊ុន Southern California Gas Company។
និក្ខិតសញ្ញា និងសិទ្ធិចម្លងគ្រប់យ៉ាងត្រូវបានរក្សា។

មាតិកា

រាល់អត្ថបទ ព័ត៌មាន ទិន្នន័យ រូបថត ក្រាភិច html ផ្នែកទន់ កូដប្រភពវត្ថុ និងកូដវត្ថុ ឃ្លីបសម្លេងនិងវីដេអូ និក្ខិតសញ្ញានិងនិមិត្តសញ្ញា និង("មាតិកា") ដែលមាននៅក្នុងវិបសាយនេះ ("វិបសាយ") ទាំងអស់ ជាកម្មសិទ្ធិរបស់ក្រុមហ៊ុន Southern California Gas Company ("ក្រុមហ៊ុន" ឬ "SoCalGas") ឬ សាខា អ្នកផ្តល់អាជ្ញាប័ណ្ណ ឬអ្នកផ្គត់ផ្គង់ លើកលែងតែមានការបញ្ជាក់តាមរបៀបផ្សេងទៀតនៅក្នុងវិបសាយនេះ។ អ្នកប្រើប្រាស់ (ដូចបានកំណត់នៅទីនេះ) អាចប្រើមាតិកាទាំងនេះសម្រាប់តែគោលបំណងប្រើប្រាស់ផ្ទាល់ខ្លួន ជាលក្ខណៈផ្ទៃក្នុងនិងមិនមែនគោលបំណងពាណិជ្ជកម្មឡើយ ។ មាតិកាណាមួយដែលបានទាញយកឬបោះពុម្ពមិនត្រូវលុបពាក្យសិទ្ធិចម្លងរបស់យើងដូចខាងក្រោមនេះទេ៖ "© 2018 Southern California Gas Company ។ រក្សាសិទ្ធិគ្រប់យ៉ាង។" មិនមានការប្រើប្រាស់ផ្សេងៗទៀតនៃមាតិកានៅក្នុងនេះ ដោយរាប់បញ្ចូលដោយគ្មានការកំណត់លក្ខខណ្ឌនានាចំពោះការបោះពុម្ពផ្សាយឡើងវិញ ត្រូវបានអនុញ្ញាតដោយគ្មានការយល់ព្រមជាលាយលក្ខណ៍អក្សរជាមុនពីក្រុមហ៊ុនឡើយ។ អ្នកប្រើប្រាស់ណាម្នាក់ ត្រូវបានកំណត់ថាបានរំលោភសិទ្ធិចម្លងនៃភាគីទីបីតាមរយៈការផ្សព្វផ្សាយឬការបង្ហោះព័ត៌មានដែលពាក់ព័ន្ធនឹងវិបសាយនេះដែលរំលោភលើសិទ្ធិចម្លងឬសិទ្ធិស្របច្បាប់ផ្សេងទៀតរបស់ភាគីទីបី នឹងត្រូវបានលុបចេញចេញពីវិបសាយនេះ។

និក្ខិតសញ្ញាទាំងអស់ដែលប្រើលើវិបសាយនេះស្ថិតក្រោមកម្មសិទ្ធរបស់ក្រុមហ៊ុន ឬ ក្នុងករណីមួយចំនួនត្រូវបានប្រើដោយមានការអនុញ្ញាតពីម្ចាស់របស់ពួកវារៀងៗខ្លួន។ គ្មាននិក្ខិតសញ្ញាណាមួយ ដោយរាប់បញ្ចូលដោយគ្មានការកំណត់លក្ខខណ្ឌចំពោះនិមិត្តសញ្ញា និង ឈ្មោះដូម៉ែនអ៊ីនធើណិត ដែលប្រើនិក្ខិតសញ្ញា "SoCalGas" "Southern California Gas" ឬ "Southern California Gas Company" (ទោះបីជាសរសេរឬមិនសរសេរជាអក្សរធំ ដកឃ្លាឬមិនដកឃ្លាក្តី) អាចត្រូវបានប្រើឬចម្លងសារជាថ្មីដោយភាគីណាមួយដោយគ្មានការអនុញ្ញាត ជាលាយលក្ខណ៍អក្សរជាមុនពីក្រុមហ៊ុន ឬពីម្ចាស់របស់និក្ខិតសញ្ញាឡើយ។

ក្រៅពីការប្រើប្រាស់សិទ្ធិមិនផ្តាច់មុខ មិនអាចផ្តល់អាជ្ញាប័ណ្ណបន្ត មិនអាចផ្ទេសិទ្ធិបាន ឯកជន និងសិទ្ធិមានដែនកំណត់ក្នុង ដោយអ្នកប្រើប្រាស់ដូចបានបញ្ជាក់នៅក្នុងនេះ ពុំមានសិទ្ធិណាមួយចំពោះមាតិកាទាំងនេះ ឬផ្នែកណាមួយនៃមាតិកាទាំងនេះ ដោយមិនគិតពីទម្រង់ដែលវាលេចចេញ ត្រូវបានផ្ទេរតាមរយៈការបង្ហាញនៅលើវិបសាយនេះ ឬតាមរយៈការចូលមើលដោយអ្នកប្រើប្រាស់ឡើយ។ អ្នកប្រើប្រាស់មិនអាច៖(ក) បំបែកមាតិកា ឬសមាសភាពដោយឡែកជាលក្ខណៈបុគ្គលណាម្នាក់នៃវិបសាយនេះ សម្រាប់ការប្រើប្រាស់ក្រៅពីការពាក់ព័ន្ធនឹងវិបសាយនេះឡើយ (ខ) បញ្ចូលផ្នែកណាមួយទៅក្នុងកម្មវិធីផ្ទាល់ខ្លួនរបស់អ្នកប្រើប្រាស់ណាម្នាក់ ឬចងក្រងផ្នែកណាមួយទៅរួមផ្សំជាមួយកម្មវិធីផ្ទាល់ខ្លួនរបស់អ្នកប្រើប្រាស់ណាម្នាក់ឡើយ (គ) ផ្ទេរវាដើម្បីប្រើប្រាស់ជាមួយសេវាកម្មផ្សេងទៀត ឬ (ឃ) លក់ ជួល ឱ្យខ្ចី ចែកចាយ ផ្សព្វផ្សាយជាសាធារណៈ បម្លែង ឬផ្តល់អាជ្ញាប័ណ្ណបន្តចំពោះវិបសាយ ឬផ្ទេរសិទ្ធិណាមួយលើវិបសាយទាំងមូលឬផ្នែកណាមួយឡើយ។

ក្រុមហ៊ុនរក្សាសិទ្ធិពិនិត្យឡើងវិញ បន្ថែម ឬផ្អាកទាំងស្រុង ឬផ្នែកខ្លះនៃវិបសាយនេះម្តងម្កាល។ ក្រៅពីនេះ ក្រុមហ៊ុនរក្សាសិទ្ធិផ្លាស់ប្តូរលក្ខខណ្ឌនិងខចែងនៅពេលណាក៏បាន និងមានប្រសិទ្ធភាពភ្លាមៗនៅពេលធ្វើបច្ចុប្បន្នភាពវិបសាយនេះ។ "អ្នកប្រើប្រាស់ម្នាក់" ឬ "អ្នកប្រើប្រាស់ច្រើននាក់" មានន័យថាការប្រើប្រាស់ ចូលមើល ទាញយក ទទួលយកព័ត៌មានពី ឬផ្តល់ព័ត៌មានទៅកាន់វិបសាយជាលក្ខណៈបុគ្គលឬជាលក្ខណៈអង្គភាពនានា។ រាល់ការលើកឡើងជាពហុវចនៈនៅទីនេះក៏មានន័យជាឯកវចនៈ ហើយការលើកឡើងជាឯកវចនៈក៏មានន័យជាពហុវចនៈដែរ លើកលែងតែមានបរិបទផ្សេងដែលតម្រូវឱ្យមាន។

បណ្តឹងអំពីការរំលោភបំពាននៅលើវិបសាយនេះ

ក្នុងរករណីអ្នកចូលមើលណាម្នាក់ ជឿជាក់ថាសិទ្ធិចម្លងឬនិក្ខិតសញ្ញារបស់ខ្លួនត្រូវបានរំលោភបំពានតាមរយៈព័ត៌មានដែលបានបង្ហោះឬរក្សាទុកនៅលើវិបសាយនេះ ពួកគេត្រូវបំពេញតំណ "ការជូនដំណឹងអំពីការរំលោភបំពាន" ហើយផ្ញើអ៊ីមែលទៅអ្នកគ្រប់គ្រងវិបសាយរបស់យើង៖ webmaster@socalgas.com ដោយមានឯកសារថតចម្លងបញ្ជាក់អំពីការបានផ្ញើទៅ៖

Southern California Gas Company
Office of the General Counsel
Notice of Infringement
555 W 5Th St.
Los Angeles, CA 90013-1046

ការជូនដំណឹងនេះត្រូវតែផ្តល់នូវព័ត៌មានដែលត្រូវការតាមបទបញ្ញត្តិដែលពាក់ព័ន្ធនៃច្បាប់សិទ្ធិចម្លងសហសវត្សរ៍ឌីជីថល 17 U.S.C. ផ្នែក512 (c)(3)(A) (ឬផ្នែកណាមួយបន្ថែមទៀត)។ ដូចមានចែងនៅក្នុងច្បាប់នោះ រាល់ការជូនដំណឹងណាមួយដែលប្តឹងអំពីការរំលោភបំពានដែលមិនគោរពតាមយ៉ាងធ្ងន់ធ្ងរចំពោះបទបញ្ញត្តិខាងលើ មិនត្រូវបានចាត់ទុកថាជាការផ្តល់ជូន "ព័ត៌មានពិតប្រាកដ" ឬ "ការយល់ដឹងពី ការពិតឬស្ថានការណ៍ដែលសកម្មភាពរំលោភបំពាននោះស្តែងឡើងឡើយ។" សូមផ្តល់ជូនសេចក្តីជូនដំណឹងដាច់ដោយឡែកពីគ្នានៅរាល់ពេលដែលលោកអ្នក ចង់រាយការណ៍អំពីសកម្មភាពរំលោភបំពានដែលបានអះអាង។

ក្រុមហ៊ុន​បានអនុម័តយក និងអនុវត្តនូវគោលនយោបាយមួយ​ដែលផ្ដល់​សម្រាប់ការបញ្ឈប់គណនី ក្នុងកាលៈទេសៈ សមស្រប របស់អ្នកប្រើប្រាស់ទាំងឡាយណាដែល​បាន​រំលោភបំពាន​ម្ដង​ហើយ​ម្ដងទៀត ឬមានការការចោទប្រកាន់​ពីការរំលោភបំពានដដែលៗ ។

ការប្រើប្រាស់

តាមរយៈការប្រើប្រាស់ ចូលមើល ទាញយក ទទួលយកព័ត៌មានពី ឬផ្តល់ព័ត៌មានទៅកាន់វិបសាយនេះ អ្នកប្រើប្រាស់នឹងត្រូវបានចាត់ទុកថាបានអាននិងទទួលយកលក្ខខណ្ឌនិងខចែងទាំងនេះ និងយល់ព្រមប្រតិបត្តិតាមលក្ខខណ្ឌនិងខចែងទាំងនេះតាមផ្លូវច្បាប់ (រួមមាន គោលនយោបាយស្តីពីសិទ្ធិឯកជនរបស់យើង) ដែលបានរួមបញ្ចូលនៅក្នុងនេះតាមរយៈសេចក្តីអត្ថាធិប្បាយនេះ។ សូមជ្រាបថារាល់សេចក្តីអត្ថាធិប្បាយទាំងឡាយអំពី "វិបសាយនេះ" នៅក្នុងគោលនយោបាយស្តីពីសិទ្ធិឯកជនរបស់យើងត្រូវបានចាត់ទុកថាត្រូវយកមកអនុវត្តចំពោះវិបសាយនេះដែរ ទាំងការប្រើដាច់ដោយឡែក និងប្រើភ្ជាប់ជាមួយវិបសាយរបស់ក្រុមហ៊ុន www.socalgas.com

អ្នកប្រើប្រាស់ត្រូវឈប់ប្រើវិបសាយនេះភ្លាមៗ ប្រសិនបើខ្លួនមិនយល់ព្រមឬមិន ទទួលយកលក្ខខណ្ឌនិងខចែងទាំងនេះ។ ក្រុមហ៊ុនរក្សាសិទ្ធិលុបចេញឬឃាត់មិនឲ្យអ្នកប្រើប្រាស់ណាម្នាក់ប្រើវិបសាយនេះទៀតតាមឆន្ទានុសិទ្ធិរបស់ខ្លួន។

គណនីអ្នកប្រើប្រាស់

តាមឆន្ទានុសិទ្ធិតែមួយគត់របស់ខ្លួននោះ ក្រុមហ៊ុនអាចផ្តល់ជូនអ្នកប្រើប្រាស់ចូលមើលផ្នែកដាក់កំហិតនៃវិបសាយនេះ ដោយរាប់បញ្ចូលដោយគ្មានការកំណត់លក្ខខណ្ឌចំពោះគណនីអ្នកប្រើប្រាស់មួយឬច្រើនដែលព័ត៌មាននិងសេវាកម្មជាក់លាក់របស់អតិថិជនអាចត្រូវបានផ្តល់ និង/ឬទទួលយក។

អ្នកប្រើប្រាស់ដែលចូលមើលកន្លែងទាំងនេះ អាចត្រូវបានកំណត់លក្ខខណ្ឌនិងខចែងបន្ថែមដូចបានបញ្ជាក់ចំពោះការពាក់ព័ន្ធនឹងសេវាកម្មដែលបានផ្តល់ជូន។ អ្នកប្រើប្រាស់ដែលមានគណនីសេវាកម្មទទួលខុសត្រូវទាំងស្រុងចំពោះការរក្សាការសម្ងាត់ព័ត៌មានចូលប្រើ ព័ត៌មានគណនីអ្នកប្រើប្រាស់ និងភាពសកម្មឬភាពអសកម្មចំពោះការពាក់ព័ន្ធនឹងគណនីនោះ។

ការកំណត់កម្មវិធីស្នើសុំសេវាកម្មគ្រឿងប្រើប្រាស់

អ្នកប្រើប្រាស់អាចដាក់សំណើលើបណ្តាញ ដើម្បីស្នើឲ្យអ្នកបច្ចេកទេសសេវាកម្មរបស់ក្រុមហ៊ុនមកកាន់ផ្ទះឬទីតាំងអាជីវកម្មរបស់ខ្លួនដើម្បីពិនិត្យ ឬជួសជុលឧបករណ៍ហ្គាសរបស់ខ្លួនអាស្រ័យតាមស្ថានភាព។ យើងមិនទទួលសំណើរបន្ទាន់លើបណ្តាញទេ។ នៅពេលថ្ងៃ គួរមានមនុស្សពេញវ័យ (អាយុចាប់ពី 18 ឆ្នាំឡើងទៅ) នៅចាំកន្លែងនៅពេលមានការចុះពិនិត្យតាមការកំណត់ ប៉ុន្តែលោកអ្នកអាចរៀបចំការណាត់ជួបផ្សេងជាមុនបានដើម្បីឲ្យអ្នកបច្ចេកទេសសេវាកម្មចុះពិនិត្យឧបករណ៍។ បន្ទាប់ពីមេឃងងឹតនោះ មនុស្សពេញវ័យម្នាក់ត្រូវស្ថិតនៅបរិវេណនានា បើមិនដូច្នេះទេអ្នកបច្ចេកទេសសេវាកម្មនឹងមិនចូលពិនិត្យឡើយ។ ក្រុមហ៊ុនមិនទទួលខុសត្រូវអ្វីឡើយក្នុងការចូលក្នុងផ្ទះឬទីតាំងអាជីវកម្មរបស់លោកអ្នកឡើយ ទោះបីជាទុកសោសម្រាប់ឲ្យបើកចូលក៏ដោយ។

ការដាក់មាតិកា

ប្រសិនបើអ្នកប្រើប្រាស់ដាក់រូបភាពឌីជីថលឬមាតិកាផ្សេងៗ រួមមាន រូបថត រូបភាពពន្យល់ ក្រាភិច និងអត្ថបទទាំងឡាយ (ជារួមហៅថា "ព័ត៌មាន") ទៅឲ្យក្រុមហ៊ុនតាមរយៈវិបសាយនេះ ត្រូវអនុវត្តតាមខចែងខាងក្រោមផងក៏ដែរ៖

  • អ្នកប្រើប្រាស់អាចដាក់បានតែព័ត៌មានដែលអ្នកប្រើប្រាស់កាន់កាប់កម្មសិទ្ធិ បញ្ញាប៉ុណ្ណោះទៅឲ្យក្រុមហ៊ុនតាមរយៈវិបសាយនេះ។ និយាយម្យ៉ាងទៀត ប្រសិនបើអ្នកប្រើប្រាស់ដាក់រូបភាពឌីជីថលទៅឲ្យក្រុមហ៊ុន នោះអ្នកប្រើប្រាស់ត្រូវកាន់កាប់សិទ្ធិគ្រប់យ៉ាងចំពោះរូបភាពនោះ ឬអ្នកប្រើប្រាស់ត្រូវតែទទួលបានការអនុញ្ញាតពីអ្នកដែលកាន់កាប់សិទ្ធិទាំងនោះ។ អនិតិជនមិនអាចដាក់ព័ត៌មានទៅឲ្យក្រុមហ៊ុនតាមរយៈវិបសាយនេះឡើយ។ លើសពីនេះ អ្នកប្រើប្រាស់មិនអាចដាក់ព័ត៌មានកំណត់អត្តសញ្ញាណផ្ទាល់ខ្លួនអំពីកុមារដែលមានអាយុក្រោម 13 ឆ្នាំឡើយ។
  • អ្នកប្រើប្រាស់តាមរយៈនេះផ្តល់ដល់ក្រុមហ៊ុននូវការអនុញ្ញាតនិងសិទ្ធិស្ថិតស្ថេរជាសាកល មិនផ្តាច់មុខ មិនគិតកម្រៃអ្នកនិពន្ធដើម្បី (ក)បោះពុម្ពផ្សាយ ឡើងវិញ ចែកចាយ ផ្ទេរ សម្តែងនិងបង្ហាញជាសាធារណៈអំពីព័ត៌មានទាំងមូលឬមួយផ្នែក តាមរបៀប ឬមធ្យោបាយផ្សព្វផ្សាយបញ្ជូនព័ត៌មានណាមួយ ទោះជាឥឡូវមិនទាន់ដឹងឬអាចបង្កើតបាននៅពេលអនាគត ("មធ្យោបាយផ្សព្វផ្សាយ"), (ខ)កែតម្រូវ កែសម្រួល បកប្រែនិងបង្កើតកិច្ចការដែលកំឡាយមកពីព័ត៌មានទាំងនោះទាំងមូលឬមួយផ្នែក តាមរបៀប ឬមធ្យោបាយផ្សព្វផ្សាយណាមួយ និង (គ) ផ្តល់ការអនុញ្ញាតបន្តនូវសិទ្ធិនៅខាងមុខគេ ទាំងស្រុងឬមួយផ្នែក ទៅឲ្យភាគីទីបីណាមួយដោយមានឬគ្មានកម្រៃ។
  • អ្នកប្រើប្រាស់តាមរយៈនេះផ្តល់ដល់ក្រុមហ៊ុននិងអ្នកទទួលការអនុញ្ញាតបន្ត របស់ខ្លួននូវការអនុញ្ញាតមិនផ្តាច់មុខ ជាសាកល និងមិនគិតកម្រៃអ្នកនិពន្ធក្នុងការប្រើប្រាស់និក្ខិតសញ្ញា ឈ្មោះពាណិជ្ជកម្ម ឈ្មោះនិងភាពដូចគ្នានៃបុគ្គលដែលបង្ហាញនៅក្នុងព័ត៌មាន។ អ្នកប្រើប្រាស់ផ្តល់ដល់ក្រុមហ៊ុននិងអ្នកទទួលការអនុញ្ញាតបន្តរបស់ខ្លួននូវសិទ្ធិប្រើប្រាស់ឈ្មោះដែលអ្នកប្រើប្រាស់ដាក់ជាមួយនឹងព័ត៌មានទាំងនោះ។

ការកំណត់លក្ខខណ្ឌនៃការទទួលខុសត្រូវ

ក្រុមហ៊ុន និងសាខានិងក្រុមហ៊ុនមេរបស់ខ្លួន ព្រមទាំងមន្ត្រី អភិបាល បុគ្គលិក និយោជិត និងអ្នកតំណាងរបស់ពួកគេរៀងៗខ្លួន (ជារួមហៅថា"ភាគីរួចកាតព្វកិច្ច") គឺមិនទទួលបន្ទុកឬទទួលខុសអ្វីឡើយ ហើយអ្នកប្រើប្រាស់តាមន័យនេះបោះបង់បណ្តឹង ការទាមទារ ការទទួលខុសត្រូវសំអាងនៃបណ្តឹង រឿងក្តី ការខូចខាត និងការចំណាយ ដោយរាប់បញ្ចូលដោយគ្មានកំណត់លក្ខខណ្ឌ ការខូចខាតគ្រប់បែបយ៉ាងដោយផ្ទាល់មិនផ្ទាល់ ចៃដន្យ បន្ទាប់បន្សំ មិនចំពោះ ប្រយោល វិសាមញ្ញ ពិសេស ឬដោយទោសទណ្ឌដែលជាប់ពាក់ព័ន្ធនឹងវិបសាយនេះ (រួមមានផលិតផល សេវាកម្មនិងមាតិការបស់ភាគីរួចកាតព្វកិច្ច) ទោះបីជាភាគីរួចកាតព្វកិច្ចត្រូវបានដាក់តឿនអំពីលទ្ធភាពនៃការកើតមានការខូចខាតទាំងនេះ។ គ្រឿងជួយដោះបន្ទាល់តែម្យ៉ាងរបស់អ្នកប្រើប្រាស់ចំពោះបណ្តឹង ការទាមទារ ការទទួលខុសត្រូវ ដើមហេតុនៃបណ្តឹង រឿងក្តីការខូចខាត ឬការចំណាយនានាគឺការឈប់ប្រើប្រាស់វិបសាយនេះ។

សិទ្ធិឯកជន

គោលនយោបាយស្តីពីសិទ្ធិឯកជនរបស់យើងដែលពាក់ព័ន្ធនឹង ព័ត៌មានដែលក្រុមហ៊ុនទទួលបានពីវិបសាយនេះ អាចរកមើលបាននៅក្នុងផ្នែកសិទ្ធិឯកជនរបស់វិបសាយ។ វិធានស្តីពីសិទ្ធិឯកជនបន្ថែមអាចត្រូវបានអនុវត្តតាមការចែងក្នុង ផ្នែកនានានៃវិបសាយនេះសម្រាប់តែសេវាកម្មអ្នកប្រើប្រាស់ជាក់លាក់មួយ ចំនួនប៉ុណ្ណោះ។

គ្មានការយល់ស្រប

ក្រុមហ៊ុនមិនផ្តល់អនុសាសន៍ យល់ស្រប ឬគាំទ្រចំពោះពាណិជ្ជកម្ម សេវាកម្ម ឬផលិតផលរបស់ភាគីទីបីណាមួយឡើយ លើកលែងតែមានសេចក្តីអះអាងជាក់លាក់អំពីការផ្តល់អនុសាសន៍ឬការយល់ស្របនេះត្រូវបានធ្វើឡើងដោយ ក្រុមហ៊ុននៅលើវិបសាយបើមាន។ប្រសិនបើវិបសាយនេះផ្តល់នូវព័ត៌មានអំពីភាគីទីបីឬផ្តល់ជូនមាតិការបស់ភាគីទីបី រួមមានតំណភ្ជាប់វិបសាយរបស់ភាគីទីបី ក្រុមហ៊ុននឹងមិនទទួលខុសត្រូវឬទទួលបន្ទុកចំពោះគ្រោះថ្នាក់ឬការខូចខាតដែលទាក់ទង នឹងព័ត៌មានរបស់ភាគីទីបីណាមួយឡើយ ទោះបីជាវាមានកំហុសឬការភាន់ច្រឡំអ្វីក៏ដោយ។ ដូចគ្នាដែរ ក្រុមហ៊ុននឹងមិនទទួលខុសត្រូវឬទទួលបន្ទុកចំពោះផលិតផលឬ សេវាកម្មរបស់ភាគីទីបីណាមួយឡើយ។សូមកុំភ្លេចមើលសេចក្តីពិភាក្សាអំពីតំណភ្ជាប់គោលនយោបាយស្តីពីសិទ្ធិឯកជនរបស់យើងដែលរួមមានការបដិសេធលើការទទួលខុសត្រូវចំពោះមាតិការបស់ភាគីទីបីទាំងឡាយ។

ការបដិសេធន៍ទទួលខុសត្រូវចំពោះការធានារ៉ាប់រង

ភាគីរួចកាតព្វកិច្ចមិនធ្វើការបកស្រាយអំពីមុខងារនិងអត្ថប្រយោជន៍នៃមាតិកានៅលើវិបសាយនេះទេ។ ការប្រើប្រាស់និងការរកមើលរបស់អ្នកប្រើប្រាស់ចំពោះវិបសាយនេះគឺជាការប្រឈមនឹងហានិភ័យដោយខ្លួនឯងរបស់អ្នកប្រើប្រាស់។ ព័ត៌មានទាំងអស់ដែលមានក្នុងវិបសាយនេះត្រូវបានផ្តល់ជូន "នៅពេលមាន" និង "អាចប្រព្រឹត្តទៅបាន" ដោយគ្មានការធានារ៉ាប់រងឬការធានាដោយចំៗក្តីឬបញ្ឆិតបញ្ឆៀងក្តី។ អ្នកប្រើប្រាស់មិនត្រូវសន្មត់ថាព័ត៌មានក្នុងវិបសាយនេះត្រូវបានធ្វើបច្ចុប្បន្នភាពជាដរាប ឬក៏ថាមានបញ្ចូលព័ត៌មានថ្មីៗ។

វិបសាយនេះ អាចមិនដំណើរការ រអាក់រអួល ឬមានដំណើរការខុសប្រក្រតីម្តងម្កាល។ ភាគីរួចកាតព្វកិច្ចពុំមានការទទួលខុសត្រូវចំពោះភាពមិនដំណើរការ ភាពរអាក់រអួល ឬដំណើរការខុសប្រក្រតីទាំងនេះឡើយ។ អ្នកប្រើប្រាស់ត្រូវបានព្រមានឲ្យដឹងថាព័ត៌មានក្នុងនេះអាចមានកំហុសបច្ចេកទេស ភាពមិនត្រឹមត្រូវ ភាពខ្វះចន្លោះ មេរោគចម្លែក និងការភ្លេចភ្លាំង។ អ្នកប្រើប្រាស់សន្មត់ហានិភ័យទាំងអស់ដែលទាក់ទងនឹងការប្រើប្រាស់វិបសាយនេះ និងទទួលស្គាល់ថាភាគីរួចកាតព្វកិច្ចមិនទទួលខុសត្រូវចំពោះការធានាទាំងអស់ដែលទាក់ទងនឹងវិបសាយរបស់អ្នកប្រើប្រាស់។

ថ្វីបើមានបទបញ្ញត្តិដទៃនៃលក្ខខណ្ឌនិងខចែងទាំងនេះក៏ដោយ ភាគីរួចកាតព្វកិច្ចមិនទទួលខុសត្រូវចំពោះការបកស្រាយ ការធានារ៉ាប់រង ការធានាដោយចំៗឬបញ្ឆិតបញ្ឆៀង ចំពោះអ្វីគ្រប់យ៉ាងដែលពាក់ព័ន្ធនឹងវិបសាយ នេះ (រួមមានផលិតផលរបស់យើង សេវាកម្ម និងមាតិកាវិបសាយ) ដោយរាប់បញ្ចូលទាំងប៉ុន្តែមិនកំណត់ត្រឹមតែ ការធានារ៉ាប់រងចំពោះគុណភាពជំនួញនិងភាពសក្តិសមសម្រាប់គោលបំណងពិសេស សិទ្ធិអាស្រ័យផលដ៏សុខសាន្ត សិទ្ធិកម្មសិទ្ធិ ភាពមិនរំលោភបំពានលើសិទ្ធិរបស់ភាគីទីបី និងភាពត្រឹមត្រូវ។ ពុំមានឱវាទឬព័ត៌មានជាលាយលក្ខណ៍ អក្សរក្តីឬផ្ទាល់មាត់ក្តីដែលយើងឬអ្នកតំណាងស្របច្បាប់របស់យើងផ្តល់ជូននឹងត្រូវបង្កើតបានជាការធានាឬការបង្កើនតាមបែបណាមួយនូវទំហំនៃកាតព្វកិច្ចរបស់យើងក្រោមលក្ខខណ្ឌនិងខចែងទាំងនេះ។

ការធានាសង

អ្នកប្រើប្រាស់នឹងសងការខូចខាតនិងរក្សាមិនឲ្យប៉ះពាល់ដល់ភាគីរួចកាតព្វកិច្ចនានាពីបណ្តឹង ការទាមទារ ការទទួលខុសត្រូវ ដើមហេតុនៃបណ្តឹង រឿងក្តី ការខូចខាត ឬការចំណាយនានា (រួមមានប្រាក់ចំណាយនិងប្រាក់រង្វាន់មេធាវីតាមការសមរម្យ) ដែលកើតឡើងទាក់ទងនឹងការប្រើប្រាស់របស់ខ្លួនលើវិបសាយនេះ (រួមមានផលិតផល សេវាកម្ម និងមាតិការបស់យើង) ដោយរាប់បញ្ចូលទាំងប៉ុន្តែមិនកំណត់ត្រឹមតែសេវាកម្មនិងផលិតផលរបស់ ភាគីទីបីឬក្រុមហ៊ុន ឬការប្រគល់ ឬមាតិកា និងព័ត៌មានរបស់វិបសាយដែលពុំត្រឹមត្រូវ។ ក្រុមហ៊ុនរក្សាសិទ្ធិដោយប្រើចំណាយរបស់ខ្លួនក្នុងការកាន់កាប់ការគ្រប់គ្រងនិងការការពារផ្តាច់មុខចំពោះបញ្ហានានាបណ្តាលមកពីការផ្តល់សំណងដោយអ្នកប្រើប្រាស់ប៉ុន្តែការធ្វើបែបនេះនឹងមិនធ្វើឲ្យអ្នកប្រើប្រាស់រួចផុតពីកាតព្វកិច្ចសងវិញឡើយ។

ទីតាំង-លក្ខណៈដែលអាចដំណើរការ

មុខងារកំណត់ទីតាំងមួយចំនួន (ឧទាហរហ៍ មុខងារកំណត់ទីតាំងការិយាល័យបង់ប្រាក់ របស់ក្រុមហ៊ុនដែលនៅជិតបំផុតឬស្ថានីយCNGដែលនៅជិតបំផុត) ដែលមានស្រាប់នៅក្នុងវិបសាយត្រូវបានផ្តល់ជូនដោយអ្នកផ្គត់ផ្គង់ដែលជាភាគីទីបី។ ការប្រើប្រាស់មុខងារទាំងនោះដោយអ្នកប្រើប្រាស់គឺត្រូវស្របតាមលក្ខខណ្ឌនិងខចែងរបស់ភាគីទីបីទាំងនោះ(ដែលត្រូវបានធ្វើបច្ចុប្បន្នភាពម្តងម្កាល)។ អ្នកប្រើប្រាស់ត្រូវតែធ្វើសេចក្តីវិនិច្ឆ័យដោយខ្លួនឯងអំពីភាពគ្រប់គ្រាន់និងភាពត្រឹមត្រូវនៃព័ត៌មាន។ ព័ត៌មានផ្តោតលើទីតាំងទាំងអស់ត្រូវបានផ្តល់ជូនទាំងស្រុង "តាមកាលរបស់វា" ដោយគ្មានការធានារ៉ាប់រងអ្វីទាំងអស់។

ការដោះស្រាយជម្លោះ

ការព្រមព្រៀងដើម្បីធ្វើអាជ្ញាកណ្តាលជម្លោះ

តាមរយៈការប្រើប្រាស់ ចូលមើល ទាញយក ដំឡើង ទទួលយកព័ត៌មានពី ឬផ្តល់ព័ត៌មានទៅឲ្យវិបសាយនេះ អ្នកប្រើប្រាស់យល់ព្រមដោយជាក់លាក់ថាបណ្តឹងស្របច្បាប់ណាមួយ ជម្លោះ ឬ វិវាទកម្មផ្សេងទៀតរវាងអ្នកប្រើប្រាស់និងក្រុមហ៊ុនដែលកើតឡើងក្រៅពីឬក៏ដែលទាក់ទងតាមបែបណាមួយទៅនឹង វិបសាយនេះដោយរួមមានវិវាទកម្មនានាដែលទាក់ទងទៅនឹងភាពអាចអនុវត្តបាន ភាពអាចប្រតិបត្តិបាន ឬ សុពលភាពរបស់បទបញ្ញត្តិណាមួយនៃលក្ខខណ្ឌនិងខចែងទាំងនេះឬគោលនយោបាយអំពីសិទ្ធិឯកជនរបស់យើង (ជារួមហៅថា"ជម្លោះ") ត្រូវបានដោះស្រាយដោយនិតិវិធីដែលរៀបរាប់ក្នុងនេះ។ ភាគីនានាអាចដាក់ពាក្យប្តឹងចំពោះក្រុមហ៊ុនដោយចុចនៅទីនេះ។ ក្នុងករណីបណ្តឹងមិនអាចដោះស្រាយបានក្រៅផ្លូវការ អ្នកប្រើប្រាស់ដោយន័យនេះយល់ព្រមដោះស្រាយរាល់ជម្លោះទាំងអស់តាមរយៈការធ្វើអាជ្ញាកណ្តាល ដែលប្រតិបត្តិតាមប្រកបដោយទំនុបចិត្ត លើកលែងតែករណីមួយដែលត្រូវបានរៀបរាប់ខាងក្រោមនេះ។ រាល់ជម្លោះទាំងអស់ត្រូវបានដោះស្រាយដោយអាជ្ញាកណ្តាលម្នាក់ដែលជាអាជ្ញាកណ្តាលអព្យាក្រឹត្យដែលភាគីទាំងពីរព្រមទទួលយកសម្រាប់ដោះស្រាយជម្លោះ។ ក្នុងករណីភាគីទាំងឡាយមិនអាចយល់ព្រមលើការជ្រើសរើសអាជ្ញាកណ្តាល អព្យាក្រឹត្យក្រោយពេលហុកសិប (60)ថ្ងៃJAMS ត្រូវជ្រើសរើសអាជ្ញាកណ្តាលអព្យាក្រឹត្យសម្រាប់ដោះស្រាយជម្លោះ។ ក្រុមហ៊ុនត្រូវទទួលបន្ទុកចំណាយលើអាជ្ញាកណ្តាលដែលត្រូវបានជ្រើសរើសដោយភាគីទាំងពីរសម្រាប់បណ្តឹងដែលពេញលក្ខណៈច្បាប់ទាំងអស់។ មជ្ឈត្តវិនិច្ឆ័យនឹងត្រូវបានគ្រប់គ្រងដោយនិតិវិធីនិងវិធានការធ្វើអាជ្ញាកណ្តាលគ្រប់ជ្រុងជ្រោយរបស់ JAMS ដែលមានទីតាំងនៅWWW.JAMSADR.COM។ អ្នកប្រើប្រាស់យល់ព្រមដោយជាក់លាក់ថាខ្លួនមានកាតព្វកិច្ចដោះស្រាយគ្រប់ ជម្លោះទាំងអស់ដោយធ្វើអាជ្ញាកណ្តាល រួមមានដោយមិនកំណត់ត្រឹមតែលទ្ធភាពក្នុងការប្រតិបត្តិតាមការព្រមព្រៀងអំពីការធ្វើអាជ្ញាកណ្តាលនេះ លើកលែងតែករណីដែលខ្លួនជ្រើសរើសប្តឹងនៅក្នុងតុលាការបណ្តឹងតូចដូចបានរៀបរាប់ខាងក្រោម។ ភាគីនីមួយៗយល់ព្រមទូទាត់ការចំណាយនិងប្រាក់រង្វាន់មេធាវីរបស់ខ្លួនដោយខ្លួនឯង។ អ្នកប្រើប្រាស់និងក្រុមហ៊ុនយល់ព្រមបន្ថែមទៀតថាចំពោះបណ្តឹងទាមទារជំងឺ ចិត្តដែលមានតម្លៃតិចជាង $10,000, ការធ្វើអាជ្ញាកណ្តាលអាចត្រូវបានអនុវត្តតាមឆន្ទានុសិទ្ធិរបស់ដើមបណ្តឹងទាំងស្រុងដោយផ្អែកតាមការដាក់ពាក្យជា លាយលក្ខណ៍ អក្សរ។ អ្នកប្រើប្រាស់និងក្រុមហ៊ុនយល់ព្រមបន្ថែមទៀតថាចំពោះជម្លោះណាដែលមានតម្លៃទាបជាង $10,000 អតិថិជនប្រើប្រាស់សេវាកម្មអាចជ្រើសរើសដាក់ពាក្យប្តឹងក្នុងតុលាការបណ្តឹងតូចនៅក្នុងខោនធីដែលអតិថិជនប្រើប្រាស់សេវាកម្មនោះទទួលបានវិក្កយប័ត្រ ឬចំពោះករណីផ្សេងទាំងអស់ត្រូវប្តឹងនៅតុលាការបណ្តឹងតូចនៅ Los Angeles, California ។ បើសិនជាជម្លោះត្រូវបានប្តឹងដោយអតិថិជនប្រើប្រាស់សេវាកម្មរបស់ក្រុមហ៊ុន នោះ នោះមជ្ឈត្តវិនិច្ឆ័យត្រូវបានធ្វើឡើងនៅក្នុងខោនធីដែលអតិថិជនទទួលវិក្កយបត្រ។ បើសិនជាជម្លោះត្រូវបានប្តឹងដោយភាគីណាមួយ នោះមជ្ឈត្តវិនិច្ឆ័យត្រូវបានធ្វើឡើងនៅ Los Angeles, California។ អាជ្ញាកណ្តាលមានអំណាចក្នុងការធ្វើសេចក្តីសម្រេចលើការជួសជុលឡើងវិញដោយបង្គាប់បញ្ជាប៉ុន្តែពុំមានអំណាចក្នុងការធ្វើសេចក្តីសម្រេចលើជំងឺ ចិត្តប្រដៅ។ ជម្លោះត្រូវបានគ្រប់គ្រងដោយច្បាប់ California ដោយមិនគិតអំពីភាពទំនាស់គ្នានៃបទបញ្ញត្តិច្បាប់ឡើយ។

ការបោះបង់ការធ្វើអាជ្ញាកណ្តាលតាមនាមក្រុម

អាស្រ័យតាមទំហំពេញលេញបំផុតដែលអនុញ្ញាតដោយច្បាប់ជាធរមាន គ្រប់ជម្លោះទាំងអស់ត្រូវដោះស្រាយដោយការធ្វើអាជ្ញាកណ្តាលដែលប្រតិបត្តិតាមផ្អែកលើមូលដ្ឋានដោយឡែកតាមសមត្ថភាពផ្ទាល់ខ្លួនរបស់ភាគី នីមួយៗហើយមិនមែនក្នុងនាមជាដើមបណ្តឹមឬសមាជិកក្រុមក្នុងរឿងក្តីអ្នក តំណាងឬក្រុមដែលមានបំណង។ អាជ្ញាកណ្តាលពុំមានអំណាចក្នុងការរួមផ្សំបណ្តឹងរបស់បុគ្គលច្រើនជាងម្នាក់ ឡើយហើយម្យ៉ាងទៀតមិនអាចធ្វើជាអធិបតីលើទម្រង់ណាមួយនៃរឿងក្តីតាមនាមក្រុមឬអ្នកតំណាងណាមួយឡើយ។ អ្នកប្រើប្រាស់យល់ព្រមយ៉ាងជាក់លាក់ថាពុំមានជម្លោះដទៃត្រូវបានរួមផ្សំឬ រួមបញ្ចូលជាមួយជម្លោះរបស់ខ្លួន មិនថាតាមរយៈចំណាត់ការអាជ្ញាកណ្តាលតាមនាមក្រុមឬតាមបែបដទៃឡើយ។ តាមរយៈការប្រើប្រាស់ ចូលមើល ទាញយក ដំឡើង ទទួលយកព័ត៌មានពី ឬផ្តល់ព័ត៌មានទៅឲ្យវិបសាយនេះ អ្នកប្រើប្រាស់ទទួលស្គាល់ថាខ្លួនបោះបង់សិទ្ធិក្នុងការចូលរួមក្នុងនាមជាអ្នកតំណាងឬសមាជិករបស់អ្នកប្តឹងតាមនាមក្រុមណាមួយដែលទាក់ទងនឹងជម្លោះណាមួយដោយស្ម័គចិត្តនិងដោយមានការ យល់ដឹង។

ការអនុវត្តន៍សេចក្តីសម្រេចរបស់អាជ្ញាកណ្តាល

សេចក្តីសម្រេចរបស់អាជ្ញាកណ្តាលគឺជាសេចក្តីសម្រេចចុងក្រោយនិងត្រូវប្រតិបត្តិតាមដោយភាគីទាំងអស់យោងតាមលក្ខខណ្ឌនិងខចែងទាំងនេះ ហើយអាចត្រូវបានចាត់ចូលជាសាលក្រមក្នុងតុលាការដែលមានយុត្តាធិការដែលមានសមត្ថកិច្ច។

ភាពដាច់ដោយឡែកពីគ្នា

ប្រសិនបើបទបញ្ញត្តិណាមួយនៃលក្ខខណ្ឌនិងខចែងទាំងនេះត្រូវបានចាត់ទុកថាអស់សុពលភាព ទុកជាមោឃៈ ឬមិនអាចប្រតិបត្តិបាន នោះបទបញ្ញត្តិផ្សេងទៀតទោះយ៉ាងជាណាក៏ដោយត្រូវបន្តមានសុពលភាពនិងប្រសិទ្ធភាពពេញ លេញ ចំណែកឯបទបញ្ញត្តិដែលអស់សុពលភាពទុកជាមោឃៈ ឬមិនអាចប្រតិបត្តិបាននោះពេលត្រូវបានយល់ថាកែតម្រូវហើយ ដូច្នេះវាមានសុពលភាពនិងអាចប្រតិបត្តិបានអាស្រ័យតាមទំហំអតិបរមាដែលច្បាប់អនុញ្ញាត។

ភាសាត្រូវអនុវត្ត

ក្នុងករណីមានភាពមិនចុះសម្រុងគ្នា មានន័យមិនច្បាស់លាស់ ឬ មានទំនាស់គ្នារវាងអត្ថបទជាភាសាអង់គ្លេសនៃលក្ខខណ្ឌនិងខចែងទាំងនេះជាមួយនឹង អត្ថបទដែលបានបកប្រែជាភាសាដទៃ នោះអត្ថបទជាភាសាអង់គ្លេសត្រូវបានយកមកអនុវត្ត។

សំណួរនិងមតិយោបល់ទទួលបានមកវិញ

អ្នកប្រើប្រាស់ដែលមានចម្ងល់ឬបញ្ហាអ្វីមួយអំពីលក្ខខណ្ឌនិងខចែងសម្រាប់ វិបសាយនេះ សូមទាក់ទងអ្នកគ្រប់គ្រងវិបសាយនេះតាមអ៊ីមែលខាងក្រោម៖
webmaster@socalgas.com
អ្នកប្រើប្រាស់ក៏អាចសរសេរសារទៅកាន់អ្នកគ្រប់គ្រងវិបសាយ៖

Southern California Gas Company
Webmaster - SoCalGas Internet Web Site
GT 20B2
555 West Fifth Street
Los Angeles, California 90013

មើល លក្ខខណ្ឌនិងខចែងគណនីខ្ញុំ
មើល លក្ខខណ្ឌនិងខចែងចល័ត