811 & Lus Qhia Kev Tiv Thaiv rau Koj Lub Tsev
Hu rau 811 Ua Nej Koj Khawb - Hu dawb xwb!
Yog tias koj npaj yuav thaiv laj kab, cob ib tsob ntoo lossis khawb av vim dabtsi, thov tiv thaiv koj tsev neeg, cov neeg nyob npuas koj tsev thiab cov kav raj hlau nyob ze koj, thov kom muab cov kav dej ntawv cim.
Español | 한국어. | Tiếng Việt. | 中文. | Tagalog.
Ua raws li cov kauj ruam tseem ceeb no ua ntej koj pib qhov haujlwm:
Cim
Cim thaj tsam uas koj npaj yuav khawb Siv xim dawb los yog lwm yam los cim.
Hu rau
Mus thov daim ntawv hauv online, lossis hu rau 811 mus thov kom neeg tuaj cim qhov chaw tseg luv kawg los ob hnub ua haujlwm ua ntej pib khawb, tsis suav hnub uas tshaj tawm. Qhov no mam li ceeb toom rau SoCalGas, nrog rau lwm lub tuam txhab muab kev pab, kom lawv tuaj DAWB tuaj mus cim cov kav xa pa nkev rau vaj tse. Kuaj cov lus tuam txhab teb rau koj daim ntawv 811 xws li mus saib hauv DigAlert.org lossis USANorth.org.
Tos
Tsis txhob pib khawb ua ntej peb tuaj mus cim cov kav xa pa nkev los yog hais rau koj tias thaj chaw khawb tau.
Xyuas meej
Xyuas meej tias cov tuam txhab tau tuaj cim qhov chaw ua haujlwm lawm. Pa nkev yog cov uas raug cim ua xim daj. Yog tias tsis muaj cov kav xa pa nkev nyob hauv koj thaj av ua haujlwm ces tej zaum koj yuav tau txais ib tsab xov tooj, ib daim email, los yog ntawv sau rau hauv qhov av qhia tias "tsis muaj teeb meem" lossis "tsis muaj pa nkev."
Cov Hlau Khawb Av
Siv cov hlau khawb coj los maj mam khawb ze 24 inches rau ob phab ntawm txoj kab cim muaj pa nkev kom pom tias tus kav pa nkev nyob rau qhov twg kiag.
Daim pib USA yuav kav 28 hnub. Yog tias yuav ua haujlwm mus ntxiv, ces daim pib no yuav tsum rov tauj ua ntej tag sijhawm 28 hnub tom ntej.
CEEB TOOM: SoCalGas muaj lub luag los cim cov kav xa pa nkev uas tuaj txog ntua rau ntawm lub pob ntsuas nkev. Yog yuav cim nrhiav thiab cim cov kav xa pa nkev uas tswv yog tswv tsev tug, uas feem ntau pib ntawm lub pob ntsuas pa nkev mus rau tej cuab yeej siv pa nkev, hu rau ib tug neeg uas txawj ntsuas txog tej no.
Paub txog tias Muaj Pa Nkev Dim Pa
Ceev faj txog tej yam koj pom, hnov los yog hnia tau uas qhia tias muaj pa nkev dim pa.
Saib
Yog tias koj pom muaj ib qho puas uas qhov chaw txuas rau yam cuab yeej siv pa nkev, xws li muaj cua tshuab av/dej ya rau saum ntuj, muaj ib thaj nyom qhuav qhawv tuaj tsis taus, muaj hluav taws los yog roj tawg ntawm ib tug kav xa pa nkev twg.
Mloog
Yog tias koj hnov nrov tej lub suab li yog dim pa los yog xuav kauv.
Hnia
Yog tias koj hnov zoo li tsw tus ntxhiab pa nkev[1].
[1] Qee tus neeg tej zaum yuav tsis hnov pa nkev tsw vim lawv hnia tsis tau ntxhiab, hnia swm lawm (ib yam li tias hnia ntev mus ces tsis muaj peev xwm paub txog tias qhov tsw yog dabtsi), hnia tsis tau ub no vim yog muaj mob los yog lwm yam teeb meem hauv lub cev, los yog tias qhov tsw pa nkev ntawd raug yuam vim muaj lwm yam tsw phem nyob rau ntawd. Tsis tag li no, qee tus kav xa pa nkev los yog qee thaj av muaj peev xwm ua rau kom tus ntxhiab tsw tsis muaj ceem (ua rau tsis muaj ntxhiab uas yuav xuas qhov ntswg hnia tau).
Qhia Paub Thaum Muaj Pa Nkev Dim Pa
Yog koj xav tias muaj pa nkev dim pa, ces maj nrawm nroos khiav tawm ntawm qhov chaw ntawd mus thiab thaum nyob ib qho chaw deb lawm mam li hu rau peb: 1-800-427-2200.
Hu rau 911 kom sai, thaum koj mus nyob ruaj chaw lawm, yog tias muaj kev puas tsuaj uas ua rau cov pa nkev yuav dim pa taus ua rau phom sij rau tib neeg, ua rau tib neeg raug mob, ua rau vaj tsev puas, thiab/lossis yog tias koj hu tsis tau rau SoCalGas.
Tus Ntxhiab Dua Lawm
Qee zaus tej khoom ib puag ncig thiab/lossis tshuaj khes-mis muaj peev xwm ua rau kom tus ntxhiab ntawm cov pa nkev dua, yam uas yuav hniav tsis tau ntxhiab. Tus ntxhiab dua no tshwm sim taus los ntawm kev muaj ub no los txuam nrog, los nqus, los tom nrog los yog ob peb yam li no tib txhij tshwm sim.
Tus ntxhiab dua keev muaj rau tej lub sijhawm li nram no:
- Rau ib tug kav hlau uas nyim qhuav tsim tau tshiab tshiab los yog tsis tau coj los siv xa pa nkev dua li
- Rau tej qhov raj hlau uas xa pa nkev muaj zog heev, thiab thaum uas pa nkev tuaj tsis muaj ceem lossis tuaj ib pliag rau ib pliag xwb
- Thaum uas muaj tej kauv xeb, hlau khub, muaj dej, muaj cua, muaj roj, muaj tshuaj cam hlau, muaj lwm yam kua, hws thiab lwm yam tshuaj
- Nyob ntawm seb tus tswv tsev cov kav hlau xa pa nkev yog teeb thiab tsim los li cas, xws li hov ntev thiab loj los me
Yeeb vim ntxhiab pa nkev muaj peev xwm dua taus, nws yog ib qho tseem ceeb uas yuav tsis tsis txhob cia li tos seb yus puas hnov pa nkev tsw thiaj paub tias muaj pa nkev dim pa xwb. Yog xav tau ib daim qauv ntawv qhia txog ntxhiab dua thiab tej kev los tov kom pa nkev tsis txhob tig taus, saib rau peb Nplooj Ntawv Qhia Kev Puaj Phais.
Yog tias koj muaj lus nug ntxiv lossis kev txhawj xeeb txog kev cov kav xa pa nkev lossis ntxhiab dua, hu rau peb ntawm 1-800-427-2200 lossis tiv tauj ib tus kws tshaj lij, muaj ntaub ntawv.
*Kab mob ua pa lossis lwm yam mob ntawm lub cev tuaj yeem ua rau tsis hnov ntxhiab ib ntus uas ua rau nyuaj hnov tus ntxhiab ntawm yam khoom uas raug tov nrog cov pa nkev kom tus ntxhiab tsw meej thiab thiaj li ntes tau tias dim pa nkev.
Yuav Ua Li Cas Npaj Rau Siv Pa Tshuaj Tua Kab
Ua ntej siv pa tshuaj tua kab nco ntsoov thov kom SoCalGas ib tug kws tuaj mus tua koj tus kav xa pa nkev rau koj lub tsev.
Saib Kom Paub tias Yuav Ua Licas
Lub Pob Kaw Nkev thiab Lub Pob Tso Pa Tshaj Dim thaum Muaj Av Qeeg
Saib kom paub tias lub pob kaw nkev thiab lub pob tso kom pa tshaj muaj chaw dim yuav pab tau licas thaum muaj xwm txheej.
Tshau Qhov Raj Hlau Xa Dej Khib Nyiab
Xyuas tias kom koj lub qhov raj hlau xa dej khib nyiab tsis txhob raug txhaws vim muaj kav xa pa nkev los tshuam.